‘മലപ്പുറത്ത് മുസ്ലിംകള്‍ പട്ടികളെപ്പോലെ പെറ്റുപെരുകുന്നു’ ഗോപാലകൃഷ്ണനെതിരെ കേസെടുക്കാത്തതില്‍ പ്രതിഷേധം

Monday October 17th, 2016
2

gopalakrishnan-sangparivar-rssകോഴിക്കോട്: വര്‍ഗീയത നിറഞ്ഞതും ന്യൂനപക്ഷ വിരോധം പ്രചരിപ്പിക്കുന്നതുമായ പ്രസംഗവുമായി സംഘപരിവാര്‍ സൈദ്ധാന്തികനും പ്രഭാഷകനുമായ ഡോ.എന്‍ ഗോപാലകൃഷ്ണന്‍. ഇന്ത്യന്‍ ഇന്‍സ്റ്റിറ്റിയൂട്ട് ഓഫ് സയന്റിഫിക് ഹെറിറ്റേജ് എന്ന സ്ഥാപനത്തിന്റെ സ്ഥാപകനായ ഗോപാലകൃഷ്ണന്‍ നടത്തിയ യൂട്യൂബ് പ്രസംഗത്തിലാണ് വര്‍ഗീയ പരാമര്‍ശങ്ങളുള്ളത്. വിവാദ പ്രഭാഷകനായ ഡോ. സാകിര്‍ നായിക്കിനെതിരായ തന്റെ നിലപാടുകളെ വിമര്‍ശിച്ചവര്‍ക്കുള്ള മറുപടിയായി നല്‍കിയ വീഡിയോയിലാണ് ഗോപാലകൃഷ്ണന്റെ വര്‍ഗീയ പരാമര്‍ശങ്ങള്‍. തന്റെ യൂട്യൂബ് ചാനലില്‍ തന്നെയാണ് ഗോപാലകൃഷ്ണന്‍ പ്രസംഗം അപ്‌ലോഡ് ചെയ്തിട്ടുള്ളത്.

പ്രസംഗത്തിലെ വര്‍ഗീയ പരാമര്‍ശങ്ങള്‍

ഒരു പശുവിനെ അറുത്ത കൈയില്‍ കത്തിയും ചോരയുമായിട്ട് നില്‍ക്കുന്ന വ്യക്തിയോട് താന്‍ മഹാത്മാഗാന്ധിയുടെ അഹിംസാവാദിയാണോ എന്ന് ചോദിക്കേണ്ട കാര്യമുണ്ടോ? ഒരു ഗുണ്ട കുറേപേരെ തല്ലുന്നത് കണ്ടിട്ട് അയാളെ അടുത്ത് വിളിച്ച് താന്‍ ഗുണ്ടയാണോ എന്ന് ചോദിക്കേണ്ട കാര്യമുണ്ടോ?

ഈ ലോകം മുഴുവനും ഈയൊരു മതത്തില്‍പ്പെട്ടവര്‍ കൊലയും കൊള്ളിവെപ്പും കള്ളക്കടത്തും കള്ളനോട്ടടിയും എല്ലാം ചെയ്യുകയും ഫ്രാന്‍സില്‍ ബോംബ് വെക്കാന്‍ പറ്റാത്തത് കൊണ്ട് ഒരു വണ്ടി ഇടിച്ചു കയറ്റി പത്തെണ്‍പത് പേരെ കൊല്ലുകയും, ഈ ബംഗ്ലാദേശില്‍ ഇതെല്ലാം ചെയ്യുകയും പാകിസ്ഥാനില്‍ അല്ലാഹുവിന്റെ മക്കളെ തന്നെ ചെറിയ കുട്ടികളെ ബോംബിട്ട് കൊല്ലുകയും ഇറാനിലും ഇറാഖിലും സിറിയയിലും സുഡാനിലും ഈജിപ്തിലുമെല്ലാം ഈ കൊല മാത്രം നടത്തുന്ന ഒറ്റമതത്തിലെ ആള്‍ക്കാര്‍ അവരെ കുറിച്ച് മനസിലാക്കാന്‍ ഗോപാലകൃഷ്ണന്‍ ഇനി ഖുറാന്‍ വായിക്കേണ്ട ആവശ്യമുണ്ടോ? കണ്‍മുമ്പില്‍ കാണുന്നില്ലെ ഇതൊക്കെ എന്താ ചെയ്യുന്നതെന്ന്?

അല്ലയോ മുസ്‌ലിം യുവാക്കളെ നിങ്ങള്‍ കാണുന്നില്ലേ ഈ കൊലയും ചോരപ്പുഴ ഒഴുക്കുന്നതും. അത് ഒരു മതത്തിലുള്ളവര്‍ മാത്രം ചെയ്യുമ്പോള്‍ അതിനെ നമ്മള്‍ എന്താ പറയുക? ഒരു വ്യക്തിയുടെ അബ്‌നോര്‍മാലിറ്റിയാണെന്ന് പറയാന്‍ പറ്റില്ല. അത് ചെയ്യുന്നത് മുഴുവനും ഖുര്‍ആനുമായി പ്രത്യക്ഷമായും പരോക്ഷമായും ബന്ധപ്പെടുത്തിക്കൊണ്ടാണ്. യുവതികളുടെ കഴുത്തില്‍ വിലയിട്ട് ആ യുവതികളെ വില്‍ക്കുക. അത് ഒരൊറ്റ സമുദായത്തിലെ ആള്‍ക്കാരാ ചെയ്തത്. യുവാക്കളുടെ കഴുത്തില്‍ തുണിയിട്ട് പച്ചക്ക് കഴുത്തറുക്കുക. തല്ലുക, കൊല്ലുക, ശരിക്കും മൃഗങ്ങളെ കൊന്ന് ചോര കണ്ട് ശീലിച്ച ആ തലമുറ അല്ലാഹുവിന്റെയോ ഖുറാന്റെയോ പ്രവാചകന്റെയോ പേരില്‍ തന്നെയാണ് ഇത് ചെയ്യുന്നത്. ഇനി ഗോപാലകൃഷ്ണന്‍ കുറേ വായിക്കണോ മക്കളേ? ഈ കണ്‍മുമ്പില്‍ കണ്ടത് വിശ്വസിക്കാന്‍ പറ്റാത്തത് പുസ്തകത്തില്‍ കണ്ട് വായിച്ച് വേറെ വല്ലതും ഞാന്‍ വിശ്വസിക്കണോ? വെറുതെ ഒന്നു ചിന്തിച്ച് നോക്കുക കേട്ടോ….

ഞാന്‍ ഇടക്ക് പറയുമായിരുന്നു മലപ്പുറത്തുകാരെന്ന്, ഒരാള്‍ക്കൊരു സംശയം ഞങ്ങള്‍ മലപ്പുറത്തുകാരെ എന്തിനാണ് കുറ്റപ്പെടുത്തുന്നതെന്ന്. ഞാന്‍ മലപ്പുറത്ത്കാരെ കുറ്റപ്പെടുത്തിയതല്ല. ഇ.എം.എസ് മുസ്‌ലിംങ്ങള്‍ക്ക് വേണ്ടി ഉണ്ടാക്കിയ ഭാരതത്തിലെ ഒരു സംസ്ഥാനത്തിലെ ഒരു ജില്ല, മുസ്‌ലിംങ്ങളുടെ പേരില്‍ ഉണ്ടാക്കിയതാ. അത് കൊണ്ടാണ് മലപ്പുറം എന്ന വാക്ക് ഉപയോഗിച്ചത്. വാക്കില്‍ മുസ്‌ലിം ഇല്ല. ആ ജില്ലയില്‍ അതുണ്ട് ഏറ്റവും കൂടുതല്‍. എം.എല്‍.എമാര്‍ അവിടെ കൂടുതലായി ഉണ്ടാവാന്‍ കാരണം പന്നിപ്രസവിക്കുന്നത് മാതിരി ഓരോ വീട്ടിലും കുട്ടികളെ ഉണ്ടാക്കുകയാ. രണ്ടും മൂന്നും ഭാര്യമാരെ വെച്ച് കൊണ്ട്. അത് കൊണ്ടാ ഞാന്‍ മലപ്പുറം എന്ന പേര് ഉപയോഗിച്ചത്. അല്ലാതെ അവിടെയുള്ള മുസ്‌ലിംങ്ങളെയും ഹിന്ദുക്കളെയും അവഹേളിക്കാനല്ല.

അവിടെയുള്ള മുസ്‌ലിംങ്ങളുടെ എണ്ണം കൂടുന്നതും ആ ഇസ്‌ലാമിക പാകിസ്ഥാന്‍ പോലെയായിത്തീരുന്നതുമെല്ലാം സംഭവിക്കുന്നത് കൊണ്ടാണ് ഞാന്‍ മലപ്പുറം എന്ന പേര് ഉപയോഗിച്ചത്. തെങ്ങ് കയറുന്ന ആളെ കണ്ടാല്‍, ഊണ് കഴിക്കുന്ന ആളെ കണ്ടാല്‍ അയാളെ, മത്സ്യം പിടിക്കാന്‍ പോകുന്ന ആളെ കണ്ടാല്‍ അയാളെ, ഗുണ്ടയെ കണ്ടാല്‍ അയാളെ, ഇറച്ചി മുറിച്ച് വില്‍ക്കുന്നയാളെ കണ്ടാല്‍ അയാളെ, താന്‍ ഇങ്ങനെയുള്ള ആളാണെന്ന് ചോദിക്കുന്നതിന് പകരം അയാളെ കണ്ണ്‌കൊണ്ട് കണ്ട് മനസിലാക്കികൂടെ മക്കളെ… അതാ ഞാന്‍ മുസ്‌ലിംങ്ങള്‍ ചെയ്യുന്നത് ഓരോന്ന് കണ്ടിട്ട് കമന്റ് പറയുന്നത്. ഖുറാന്‍ വായിച്ചില്ലെങ്കില്‍ പോലും ഖുര്‍ആന്‍ അനുസരിച്ച് ജീവിക്കുന്നവരെ കണ്ടാല്‍ മനസിലാവുമല്ലോ മക്കളേ… എന്ന് ഓരോ മുസ്‌ലിം യുവാവിനോടും യുവതിയോടും പറയുന്നുവെന്ന് ഓര്‍മിക്കുക.

ലക്ഷക്കണക്കിന് ഓണ്‍ലൈന്‍ പ്രേക്ഷകര്‍ തനിക്കുള്ളതായാണ് ഗോപാലകൃഷ്ണന്‍ അവകാശപ്പെടുന്നത്. വിദ്വേഷ പ്രസംഗം നടത്തിയതിന്റെ പേരില്‍ ശംസുദ്ദീന്‍ പാലത്തിനെതിരെ യു.എ.പി.എ ചുമത്തി പോലീസ് കേസെടുത്തിരുന്നു. ഇതിന് പിന്നാലെയാണ് ഗോപാലകൃഷ്ണന്റെ വര്‍ഗീയപ്രസംഗവും നവമാധ്യമങ്ങളില്‍ പ്രത്യക്ഷപ്പെടുന്നത്.

RSS20
Follow by Email
Facebook0
Google+0
https://medianextnews.com/news/rss-gopala-krishnan-against-muslims">
Twitter
LinkedIn
English summary

നിങ്ങളുടെ അഭിപ്രായങ്ങള്‍

ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ മീഡിയനെക്‌സ്റ്റ്ന്യൂസിന്റെഅഭിപ്രായമാവണമെന്നില്ല.

Please Note:

അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. വ്യക്തിപരമായ അധിക്ഷേപങ്ങളും അവഹേളനപരമായ പരാമര്‍ശങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക.

മലയാളത്തില്‍ അഭിപ്രായങ്ങള്‍ രേഖപ്പെടുത്താം