ഹൈദരാബാദിനെ ആറു വിക്കറ്റിന് തകര്‍ത്ത് ഡല്‍ഹി പ്‌ളേ ഓഫ് സാധ്യത നിലനിര്‍ത്തി

Saturday May 21st, 2016

win delhiറായ്പുര്‍: ഹൈദരാബാദിനെ ആറു വിക്കറ്റിന് തകര്‍ത്ത് ഡല്‍ഹി പ്‌ളേ ഓഫ് സാധ്യത നിലനിര്‍ത്തി. 59 പന്തില്‍ 83 റണ്‍സെടുത്ത കരുണ്‍ നായരും 26 പന്തില്‍ 32 റണ്‍സെടുത്ത റിഷാബ് പന്തുമാണ് ഡല്‍ഹിക്ക് ജയമൊരുക്കിയത്. സ്‌കോര്‍: ഹൈദരാബാദ് 158/7. ഡല്‍ഹി 161/4. ഹൈദരാബാദ് നിരയില്‍ നായകന്‍ ഡേവിഡ് വാര്‍ണര്‍ (56 പന്തില്‍ 73) മാത്രമാണ് തിളങ്ങിയത്. അവസാന രണ്ടു പന്തുകളില്‍ ബൗണ്ടറി നേടിയാണ് കരുണ്‍ ഡല്‍ഹിക്ക് ജയമൊരുക്കിയത്. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഹൈദരാബാദിന് റണ്ണൗട്ടുകളാണ് വിനയായത്. ആകെ വീണ ഏഴു വിക്കറ്റില്‍ മൂന്നും റണ്ണൗട്ടായിരുന്നു. 10 റണ്‍സെടുത്ത ശിഖര്‍ ധവാന്‍ റണ്ണൗട്ടായതിനു തൊട്ടുപിന്നാലെ ദീപക് ഹൂഡയും (ഒന്ന്) സമാന രീതിയില്‍ പുറത്തായി. 10 റണ്‍സെടുത്ത യുവരാജിനെ ബ്രാത്ത്വെയ്റ്റ് ക്‌ളീന്‍ ബൗള്‍ഡാക്കി. ഹെന്റിക്വെ് (18) ആക്രമിച്ച് തുടങ്ങിയെങ്കിലും ഡുമിനിക്കു മുന്നില്‍ കുടുങ്ങി. അവസാന ഓവറുകളില്‍ നമാന്‍ ഓജയും (16) ഭുവനേശ്വര്‍ കുമാറും (13) നടത്തിയ ചെറുത്തുനില്‍പാണ് ഹൈദരാബാദിന് മാന്യമായ സ്‌കോര്‍ സമ്മാനിച്ചത്.

മറുപടി ബാറ്റിങ്ങിനിറങ്ങിയ ഡല്‍ഹിയുടെ തുടക്കവും തകര്‍ച്ചയോടെയായിരുന്നു. ഡികോക്ക് (രണ്ട്) ആദ്യമേ പുറത്തായെങ്കിലും രണ്ടാം വിക്കറ്റില്‍ റിഷാബ് പന്തും (32) കരുണ്‍ നായരും ചേര്‍ന്ന് രക്ഷാപ്രവര്‍ത്തനം നടത്തി. ഡുമിനിയും (17) ബ്രാത്ത്വെയ്റ്റും (10) പുറത്തായെങ്കിലും സഞ്ജുവിനെ (മൂന്ന്) കൂട്ടുപിടിച്ച് കരുണ്‍ ഡല്‍ഹിയെ വിജയതീരത്തത്തെിച്ചു. അവസാന ഓവറില്‍ ഡല്‍ഹിക്ക് വേണ്ടിയിരുന്നത് 11 റണ്‍സായിരുന്നു.

English summary

നിങ്ങളുടെ അഭിപ്രായങ്ങള്‍

ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ മീഡിയനെക്‌സ്റ്റ്ന്യൂസിന്റെഅഭിപ്രായമാവണമെന്നില്ല.

Please Note:

അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. വ്യക്തിപരമായ അധിക്ഷേപങ്ങളും അവഹേളനപരമായ പരാമര്‍ശങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക.

മലയാളത്തില്‍ അഭിപ്രായങ്ങള്‍ രേഖപ്പെടുത്താം