സംസ്ഥാനത്ത് 16 പേർക്ക് കൂടി കോവിഡ് 19

തിരുവനന്തപുരം: സംസ്ഥാനത്ത് ഇന്ന് 16 പേര്‍ക്കു കൂടി കൊവിഡ് സ്ഥിരീകരിച്ചതായി മുഖ്യമന്ത്രി പിണറായി വിജയന്‍ വാര്‍ത്താസമ്മേളനത്തില്‍ പറഞ്ഞു. വയനാട്-5, മലപ്പുറം-4, ആലപ്പുഴ-2, കോഴിക്കോട്-2, കൊല്ലം, പാലക്കാട്, കാസര്‍കോട്-ഒന്നുവീതം എന്നിങ്ങനെയാണ് രോഗം സ്ഥിരീകരിച്ചത്. സംസ്ഥാനത്തെ ഹോട്ട് സ്‌പോട്ടുകളുടെ എണ്ണം 16ആയി. ഞായറാഴ്ച സമ്പൂര്‍ണ ലോക്ക് ഡൗണ്‍ തുടരും. ഇന്ന് ആരും രോഗമുക്തി നേടിയിട്ടില്ല. പുതിയ രോഗികളില്‍ ഏഴുപേര്‍ വിദേശത്തുനിന്ന് എത്തിയവരാണ്. മൂന്നുപേര്‍ക്ക് സമ്പര്‍ക്കം വഴിയാണു രോഗമുണ്ടായത്. സമ്പര്‍ക്കത്തിലൂടെ രോഗബാധയുണ്ടാവാനുള്ള സാധ്യതയേറി. രോഗബാധിതരുടെ എണ്ണം വര്‍ധിക്കുന്നതില്‍ ആശങ്കയുണ്ടെന്നും മുഖ്യമന്ത്രി പറഞ്ഞു. അതിനിടെ, ഹോം ക്വാറന്റൈന്‍ ലംഘിച്ചതിനു 65 കേസുകള്‍ പോലിസ് രജിസ്റ്റര്‍ ചെയ്തു.