കോഴിക്കോട് ബൈക്കപകടത്തില്‍ രണ്ട് യുവാക്കള്‍ മരിച്ചു

Tuesday January 3rd, 2017
2
Representational image

കോഴിക്കോട്: വെസ്റ്റ്ഹിലില്‍ ബൈക്ക് മറിഞ്ഞ് രണ്ട് യുവാക്കള്‍ മരിച്ചു. ഒരാള്‍ക്ക് പരിക്കേറ്റു. വെസ്റ്റ്ഹില്‍ ഭട്ട് റോഡില്‍ ആയുര്‍വേദ ആശുപത്രിക്ക് സമീപം ഗാലക്‌സി ബില്‍ഡിങ്ങിനടുത്ത് പൂക്കാട്ടില്‍ വീട്ടില്‍ പരേതനായ വേണുവിന്റെ മകന്‍ അനൂപ് (21), വെസ്റ്റ്ഹില്‍ തൈക്കൂട്ടം പറമ്പില്‍ കിട്ടുവീട്ടില്‍ അനില്‍കുമാറിന്റെ മകന്‍ അരുണ്‍ (22) എന്നിവരാണ് മരിച്ചത്. പരിക്കേറ്റ വെസ്റ്റ്ഹില്‍ ഹരിത വീട്ടില്‍ അശ്വിന്‍ (18) ബീച്ച് ആശുപത്രിയില്‍ ചികിത്സയിലാണ്.

തിങ്കളാഴ്ച രാത്രി പത്തരയോടെ വെസ്റ്റ്ഹില്‍ റെയില്‍വേ സ്‌റ്റേഷന് സമീപം വരയ്ക്കല്‍ റോഡില്‍ കേളുകുട്ടികാവിന് സമീപമാണ് അപകടം. നാട്ടുകാരാണ് ഇവരെ ആശുപത്രിയിലെത്തിച്ചത്. അപകട കാരണം വ്യക്തമല്ല. അനൂപ് ബീച്ചാശുപത്രിയില്‍ എത്തും മുമ്പെ മരിച്ചു. അപകടത്തില്‍ ഗുരുതര പരിക്കേറ്റ അരുണിനെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചെങ്കിലും രാത്രി 12 മണിയോടെ മരിച്ചു.

അനൂപിന്റെ പിതാവ് ടി.പി. വേണു രണ്ടുമാസം മുമ്പാണ് മരിച്ചത്. എ.സി മെക്കാനിക്കാണ് അനൂപ്. മാതാവ്: ബീന. സഹോദരി: അഞ്ജു.
സിവില്‍ എന്‍ജിനീയറിങ് വിദ്യാര്‍ഥിയായിരുന്നു അരുണ്‍. മാതാവ്: ഉദയവല്ലി. സഹോദരന്‍: അഖില്‍.

RSS20
Follow by Email
Facebook0
Google+0
http://medianextnews.com/news/18061-bike-accident-clt-2-death/">
Twitter
SHARE0
LinkedIn
English summary

നിങ്ങളുടെ അഭിപ്രായങ്ങള്‍

ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ മീഡിയനെക്‌സ്റ്റ്ന്യൂസിന്റെഅഭിപ്രായമാവണമെന്നില്ല.

Please Note:

അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. വ്യക്തിപരമായ അധിക്ഷേപങ്ങളും അവഹേളനപരമായ പരാമര്‍ശങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക.

മലയാളത്തില്‍ അഭിപ്രായങ്ങള്‍ രേഖപ്പെടുത്താം